كل عام وانت مصري كل عام وانت ساطع
كل قداس وانت طيب ولديول كلابها قاطع
كل فكرة وانت احلي كل ذكري وانت رائع
كل بكرة وانت للحق في كنايسك لسه رافع
يسلم الفم الي صلي واللي بعد ما صلي حلي
حلي بالسادة السيادة نوبه واحدة وهم شله
ابن بلدي رفعلي راسي وبهتافة صبحلي طله
جاب لسود الوش قهرة لاجل ما يزيد في المزله
ربي ايقنت الساعه دي ان بلدي انت حاميها
ومباركها بكل صوت رد وقال مانتش شاريها
الصرامة والفخامة والايافة والنياشين من فوقيها
صاحب الصرخة اللي دوت من جنابك اولي بيها
ولا والله مايرضي هو وفي كمامها روح يوحنا
يمكن الصوت الي صهلل صوت كريلس ولاّّ مايكل ولاّّ حنا
لما قال للظلم برا مش مرحب بيك مابيننا
كان في قلبة رب شايف بس حابب يمتحنا
صدر الوش الازاز واعمل انك مش معبر
صم ودنك عن صياحة ....قول دي قلة ..عيال مش اكتر
ليك معاد زي اللي سبقك...ايوة كارهينك ونقدر
جوا حلمك لماتنعس برضوا هايجيلك ويهتف .........يسقط يسقط حكم العسكر
ليست هناك تعليقات:
إرسال تعليق