من اولها كدة انا مش من هواة ادعاء
الحكمه المتأخرة..
يعني من الاخر انا زيي زي ناس كتير
ماكنتش اعرف حاجة عن خالد علي مرشح الرئاسه الجديد اللي بيقولوا عليه يساري ولو اني ضد
التصنيفات الغريبه دي..!
فانا مش هاقول ده ممتاز لاني عارفاه وعاشرته عشرة الاخت لاخوها التوأم..ولا هاحاول اطلعه بصورة اللمبي لما المدام قالتله يور ماي هيرو..ولا حد هايموت في هواه بعد مايخلص قرايه...
فانا مش هاقول ده ممتاز لاني عارفاه وعاشرته عشرة الاخت لاخوها التوأم..ولا هاحاول اطلعه بصورة اللمبي لما المدام قالتله يور ماي هيرو..ولا حد هايموت في هواه بعد مايخلص قرايه...
وبرضه مش هانهي البوست بجمله انتخبوا
خالد عالي للرئاسه عشان حلو وعليه
سكر..انا بس هاقول كلام سمعته بكثره في الموضوع ده..
كونك تنتخب خالد علي , حمدين صباحي,
او ابو اسماعيل او حتي احمد شفيق دي حاجة راجعه لقناعتك الشخصيه بقدرة المرشح ده
علي تحقيق حلمك لمصر بأنها تكون افضل...
اما كون ان فيه ناس بتهاجم مرشح
بعينه لمجرد انه(مين خالد علي ده اساسا)..فهو ده اللي ماينفعش في فتره زي اللي
احنا فيها دي...
لأن ببساطة شديدة مفيش حد فينا كان نايم في حضن واحد من باقي المرشحين او يعرف عنه القدر المفيد او حتي الكافي من المعلومات ..بس المشكله ان فيه ناس كتير مصممه ان طريقة اللي نعرفه احسن من اللي مانعرفوش...هي الانسب لاختيار رئيس جمهوريه
لأن ببساطة شديدة مفيش حد فينا كان نايم في حضن واحد من باقي المرشحين او يعرف عنه القدر المفيد او حتي الكافي من المعلومات ..بس المشكله ان فيه ناس كتير مصممه ان طريقة اللي نعرفه احسن من اللي مانعرفوش...هي الانسب لاختيار رئيس جمهوريه
حتي لو كان اللي نعرف ده...نعرفه بالشكل بس!!
مشكله معظم الناس مع خالد علي انها
ماشافتهوش قبل كدة..ماسمعتش عنه_زيي بالظبط علي فكرة_ فجأه طلع..
بس دة زيه زي احمد شفيق..يعني احنا كنا نعرف ايه غير انه وزير الطيران وبقي رئيس وزراء لمدة شهرين إلا..ثم باي باي..؟
بس دة زيه زي احمد شفيق..يعني احنا كنا نعرف ايه غير انه وزير الطيران وبقي رئيس وزراء لمدة شهرين إلا..ثم باي باي..؟
ابو اسماعيل.محامي وداعيه ..تعرف عنه
ايه برضه؟؟؟
طيب حمدين صباحي؟..
.وناس كتير ماتعرفش عن العوا غير انه
اخوان..اوحاجة زي كدة...
البرادعي
قيل عنه انه المرشح البراشوتي؟ لانه برضك غير معروف لعامة الشعب ..اللي هي
اساسا هاتنتخب
بس دول علي الاقل احنا نعرف
اشكالهم..والله فعلا ناس كتير قالولي كدة؟؟
هي الفكرة في الريس انك تبقي متعود علي شكله في التليفزيون او في الجرايد؟؟؟
طب مانجيب جمال ولا مبارك بقي ؟؟؟لو هي دي الفكره ؟
هي الفكرة في الريس انك تبقي متعود علي شكله في التليفزيون او في الجرايد؟؟؟
طب مانجيب جمال ولا مبارك بقي ؟؟؟لو هي دي الفكره ؟
خالد علي ناشط حقوقي ومحامي له وزن
ثقيل في اوساط النقابات العماليه وحقوق العمال وقضايا الخصخصة ضد الحكومة.. ...و هو
كمان رئيس حاجه اسمهاالمركز المصرى للحقوق الاقتصادية والاجتماعية
بس كان بيشتغل اندر جراوند زي مابنقول..مع الناس
التحتانيه اللي هما انا وانتا وابوك وامي ...
انا قريت عنه وعن قضاياه كتير بعد
ماطلع اسمه كمرشح واتفاجأت انه هو اللي مسك قضيه خصخصة التأمين الصحي اللي شغلت
بيتنا لمده طويله بحكم عمل امي...
انا عرفت عن خالد علي اكتر من اللي
عرفته عن حد زي عمروموسي مثلا...لأني عايزة اعرف معلومات عن مرشح رئاسه مش بنقي موديل او عريس..
الناس بتقول ترشيحه حلم ..المؤيدين
له بيقولوا..من حقنا نحلمه..ويمكن يتحقق بنسبه كبيرة...
والمعارضين بيتكلموا بمنطق خليهم
يحلموا..الحلم مش حرام!!
لكن المشكله اننا حاليا مش محتلين
ولا تابعين لحكم اي امبراطوريه او خلافه..فللأسف بعد ماعملنا الثورة مش لاقيين
واحد الباني نمسكه البلد.. واحنا اساسا عندنا عمر مكرم؟
احنا حتي فقدنا قدرتنا علي الحلم
بواحد زي اوباما من سود البلد اللي اتهضم حقهم من زمان...احنا السود بتوع مصر
..احنا الفقرا والمتغلبين والمضروبين علي قفانا..احنا الاقليه مع اننا اغلبيه..
ومش معني ان اوباما ماكانش في شهرة
كلينتون...انها كسبته..بس عشان الناس فكرت في الاصلح وفي التغيير...
من حق البلد دي تغير..من حق البلد دي
تجازف بحد من مطحونيها طالما هي كده كده كلها مجازفه بخالد او بغيرة من اللي علي
الساحه ...
خالد علي ليس اقل من اي من
المرشحين...وكونه صغير في السن بالنسبه للباقيين..ده يديله ميزة الحراره والسخونه
في الدفاع عن حقوق البلد...ويغنيه عن الخبره اللي الكثيرين بيتشدقوا بيها وكأنها
لبانه من السحري...
ازاي نطلب مرشح صغير ومدني ..ودم
جديد ومش من النظام السابق...ومس متلوث ولما يجي واحد فيه كل ده ..نقول اصلنا
مانعرفهوش من النظام السابق وصغير علي الرئاسه ..ومش معروف؟؟؟
المطلوب بقي ننزل اعلان زي اعلانات
الوظائف اللي بتجنن الشباب دي؟ ..مطلوب رئيس حديث التخرج ذو خبرة لا تقل عن 30سنه
ولايزيد سنه عن 45 عام؟؟
وبالنسبه لنقطة تفتيت الاصوات...ده
علي اساس ان فيه مرشح اسرائيلي مش عايزينه يكسب فبنجمع الاصوات ضده؟؟
هي دي كمان فيها تفتيت وليبرالي
واسلامي؟ ....الاصوات مش هاتتفتت لو الناس عرفت يعني ايه انتخابات رئاسه..ويعني
ايه يبقي عندنا اكتر من 10 مرشحين فيهم علي الاقل 6 ماينفعوش ومش بيذكروا اصلا ...
الانتخابات مش معناها واحد مطلق..زي
ما اليمن عملت وياخد 99 في الميه من الاصوات؟جابوا واحد توافقي وقالوا
هيييييييييييييييه وانتخبوا وزيطوا...بس هل فيه تغيير؟
ياريت ماننساش ان البلد قامت
بثورة..وماينفعش نغلط نفس غلطة عمر مكرم...شيل خورشيد وحط محمد علي
لازم نختار وندور وندي كل واحد فرصته
...مانقفلش الباب لان اصلا شروط الرئاسه معقدة كفايه فمفيش داعي نعقدها علي نفسنا
اكتر...ونخلي واحد كان ممكن يعمل حاجة يمشي لمجرد اننا مش متعودين عليه او وشه مش من النوع المألوف!
اسمع..وفكر...وقرر.. وخد من خالد زي
ما هاتاخد من العوا وابواسماعيل وموسي وصباحي..وحاول تفهم انك بصرف النظر عن اللي وشوشهم
اتحفظت في التليفزيونات..
انتا برضه ماتعرفش عنهم حاجة لأن ببساطة مفيش حد فيهم كان ريس قبل كده..ففكر
بعقلك وصوت بأيدك مش بعينيك وذاكرتك البصريه
وماتعملش زي حسب الله لما خبط بدماغه علي الباب..لما ريا قالتله خبط بالعقل..
بالنسبة ليا فى موضوع المرشحين دا .. ان كلهم منعرفهمش حتى اللى بنقرا عنهم او بنجمع معلومات عن حياتهم ... انا بشوف اننا نقدر تحكم على فلان او علان عندما يمسك الحكم فعليا و يبدأ تنفيذ برنامجه ساعتها نقدر نقول عرفناه او لأ
ردحذفحاليا الناس بتحب اكتر على الكريزما بتاعت المرشح هل قادر انه يجمع الشعب حواليه ولا لأ ... يعنى فى ناس رافضه البرادعى لانه ماعندوش كاريزما القادة انما هو دماغ وعقل رائع جدا و هيفيد البلد فى التطوير جدا و هكذا قيسى ع ذلك باقى المرشحين ... زى حازم صلاح مثلا و يبقى الاعتراض الوحيد انه بدقن ودا معناه انه متشدد و هيقرفنا ... مازلنا بنحكم على المرشحين بالكريزما و الشكل و ارتياحنا النفسى لاى منهم ... و ارى ان دا شئ طبيعى احنا لسه سنة اولى سياسة منعرفش نختار ازاى و على اى اساس خصوصا ان كل واحد من المرشحين كان بيتم التعتيم عليه عمدا حتى لا يرى احدا سوى مبارك و جماله
شعار تفتيت الاصوات و الحاجات دى ... اعتبريه شعار زى شعار الايدى الخفية كدا ... معظم الناس بتردده لمجرد تردده كتير و خلاص لكن مفهومه و مدلوله فى الواقع ماتلاقيش
انا طولت اوى معلش بقى .. اشكر لكى عرضك الممتع :)
شكرا علي الرد ..ومش طويل ولا حاجة بس فعلا عندك حق هو ده بالظبط اللي انا قصدته وانا سعيدة ان الفكره وصلت..وكما يقول الاخوة العرب..مشكور مرورك:)
حذفبجد مقال جميل اتفق معاكي ان خالد علي شاب والحيويه مطلوبه عشان
ردحذفنخلص من الافكار الجامده اللي في قوالب دي وحد بقي يخرج عن المالوف شويه وانا شايف ان الميزه اللي ممكن تنجحه انه لمس وقرب
لطبقه معظم المرشحين بعيد عنها وهيا العمال وهيا بقي مابقيتش دوله الفرد الواحد مش عيب لمانجرب ونغلط الدوله مؤسسات الرئاسه مؤسسه واحده اشكرك علي مقالك
تحياتي
الدوله مؤسسه واحده فعلا بس مش الرئاسه التاريخ والحاضر اثبت انها المؤسسه الوحيده
حذفيا ريت بقي نتعامل علي اساس كده بعيد عن الي عايزنو مصر تكونو في المستقبل كدوله مؤسسات
هو مقال حلو بس مش عارف حسو زي انك بتشرحي درس لاعيال صغيره وبطريقه بسيطه اوي اوي عشان توصل لدماغ الطفل ....انا بقول راي طبعا بس مفيش اي حاجه شخصيه اصل تقولي عليا معقد ومن اعداء النجاح :)
ردحذفانا هقول حاجه تانيه بس
المصريين كان اودامهم عمر مكرم سبوه وجابو محمد علي غير ان ده طبعا بالنسبالي حاجه اعلي من الجهل بكتير بس لسه الانسان ملقلهاش تسميه جهل اخر حاجه :)
غير الاستنتاج ده ...فيه بقي ان المصريين سابو ابو دقن وراحو لي ابو سيف مفهومه طبعا
المصريين بالفطره عايزين راجل عسكري بعيد بقي عن افكار المثقفين والناس دي
يعني لو الجيش رشح حد انا متاكد انه هيكسب وابكتساح كمان
مالاخر ..بعيد بقي عن ارائنا في المجلس العسكري والجيش عامه
مصر هي الجيش دي بقي من بعد الاخر بشويه
سلام
عزيزي مواطن الدرجة التالته..انا مصممه علي اني لم احسم امري بعد بس انا كنت بوضح وجهة نظر اخري ..لمن يقول ان المرشحين كلهم سواء طول مانتا بتتعامل معاهم كصور..لما ابقي في الحمله هاكتب عن البرنامج بس حاليا انا بس بوضح رايي في الحوار وانا فخورة ان في ناس زيك في البلد عندها استعداد لاختبار الدم الجديد.
ردحذف